Ahmed Aboul-Gheit Arab League lenisang akümer

Cairo, March 11 (Agencies): Linük 22 züngsemba Arab Leagu (AL)-i par Secretary General menden bendaktsütsü asoshi Eypt nunger Ahmed Aboul-Gheit yashi, Brehostibar shimogo.

Tesüiba Eygpt’er United Nations (UN) ambassador aser democracy yimsüsütsü yimya benshia shimba mezüngbuba Egypt Tir, Hosni Mubarak sorkar kübok foreign minister menden abensang, Ahmed-i Nabil El-Araby melenzüka AL Secretary General tasenba akümtsü maongka tulu angur lir.

Taküm July ita lenisütsüren tembangba sülenbo AL Secretary General menden asoshi metokteptsü lemtetba osang ka Nabil-ia taoba February ita metetdaktsüba osang jangjaogo.

Syria nung küm 5 tashi tongpang raraba, Saudi Arabia aser Iran na tsüngda tesendaktep mejungi akümba aser Arab yimli aika nung Islamic State (IS) kiralongrar telok den sentakba timtem jenti ajuruba densema, Cairo nung tesep tentetba AL-i mangatettep ken o jenti ajuruba mapang ka nung Ahmed-i AL lenisütsü menden abentsü jenjang angur lir.