Ahmedabad nung 2016 Kabaddi World Cup alitsü

New Delhi, August 22 (Agencies) : October 7 nungi 22, 2016 tashi Ahmedabad, Gujarat nung 2016 Kabaddi World Cup asayatsü ta Hombarnü International Kabaddi Federation-i metetdaktsü.
Iba asayamung nung India-i USA, Canada, UK, Australia, Iran, Poland, Pakistan, Bangladesh, Korea, Japan aser Kenya linüktem nungi kabaddi telok 12 den tokteptsü.
Alima nung continent punguprongla nungi linüktem dendaktsütsü nükjidong nung International Kabaddi Federation-i linük 12 jaok.
World Cup asayatemji Ahmedabad nung tang TransStadia ajanga teyangludak The Arena nung asayatsü, ta Hombarnü IKF sangdong ka nung metetdaktsü.
IKF-i 2016 Kabaddi World Cup ketdangsüa agitsüba ya Gujarat state sorkari kanga nungita yariteper.