Ahmednagar Congress committee tongti soseta asü

Shirdi, July 18 (Agencies): Honibar nü Shirdi anasa Ahmednagar district Congress committee tongti par kidang pasasa kahsetogo, ta police-i ashi.
Taoba mapang Shri Saibaba Sansthan trust mendenbuba, Jayant Sasane tedi tambusang aser Congress lenir Sanjay Murlidhar Sasane-i tanep Shirdi nungi kilometer 35 shi pila oor aliba Srirampur nung par kima moapu nung pa indang rifle amshia pa sasa kahset, ta Additional Superintendent of Police Sanjay Jadhav-i ashi.
Pa sasa asüba kuliji ano mejangja aser tasümangji postmortem agitsü asoshi Loni nung aliba Pravara Institute of Medical Sciences-i bener ogo, ta ketdangserisa ashi.
Iba tatalokba asoshi ken o ka benokogo aser bushisüngdang tenzükogo.