AHoDs aser HoDs senden amen

Secretariat Conference Hall nung Administrative Heads of Departments/Heads (AHoDs/HoDs) senden akaba noksa nung angur.

Dimapur, July 19, 2021 (TYO): July 19, 2021 nü Secretariat Conference Hall nung Administrative Heads of Departments/Heads (AHoDs/HoDs) senden ka menogo.

Iba senden nung Directorate o Secretariat aser district tem nung Heads of Offices aser staff mapai maruba indang onük benoka lemsatep.

Department balalai Directorate of Health & Family Welfare dang mepishiba ama Special Vaccination Camp alitsü atema tanü senden nungsa telemtetba agi.

Senden nungsa Nagaland Rules of Executive Business 2020 benoka lemsatep aser AHoDs/HoDs dang iba ya jungjunga metettsü ashi.

Nagaland nung department aikati Legal Advisors/Legal Consultants shima lir aser iba atema Department of Justice & Law-i anogo 15 tsüngda osang bushia metetdaktsütsü mapang lemzüktsü.

Senden nungsa department website tem mapang shia update masüba tebilemtsü lemsatep. Iba onük atema Nagaland Chief Secretary, J. Alam, IAS-i department website mapang shia update asütsü aser Nodal Officer temi August 2, 2021 matongdang ketdangsüa reprangtsü atema tetuyuba agütsü.