AHODS & HODS dang NE Connectivity Summit nung adentsü metetdaktsür

Kohima, September 20 (TYO): Nagaland state sorkari 4buba North East Connectivity Summit 2017 ayongzüka Kohima nung September 22-23, 2017 anogotem nung akatsü, aser iba sentong nung ketdangsertem, industry lenirtem aser bendanglen nungi aika arua adentsü.
Iba dak sendakba nung state Chief Secretary, Pankaj Kumar, IAS-i AHODs aser HODs ajak dang anogo ananü senden (anepdang 9;00 ako nungi) nungji adentsü metetdaktsü, talisa tetenzükba sentong aser tatemba sentong nung adentsüla.
Sentong tejangjaji sentong aliba tesem, NBCC Convention Centre nung angutsü, iba den külemi ketdangsertem dang plenary sessions nung shilem agitsü mepishia metetdaktsür, ta tanü ketdangsertem sangdong ka ajanga metetdaktsü.