AHODs & HODs senden menogo

Kohima, August 01 (TYO): July 31, 2017 nü Secretariat Conference Hall, Kohima nung state Chief Secretary, Pankaj Kumar, IAS leniba nung AHODs aser HODs senden menogo.
Senden nung Principal Accountant General (A&E)-i New Audit Guidelines aser e-GPF indang presentation agütsü. New Audit Guidelines dak sendakba nung pai, iba nung ya tongtibang temelenshi aika lir aser itemji junga benoka inyaktsüla, ta metetdaktsü.
Principal Accountant General (A&E)-isa, online GPF Information System ji Principal Accountant General (A&E) indang office website nung link ka ajanga angutsü, ta metetdaktsü.
Paisa, subscriber temi user ID aser password shitak amshia internet ajanga ledger balances, deposits aser debits ama osangtem angutsü, ta metetdaktsü.
Subscriber ajaki department balala sasep nung Principal Accountant General (A&E) nem registration forms agütsütsü nüngdak, ta shia Finance Department-i department ajak dang subscribers indang registration form ji tekaratiba nung Principal Accountant General (A&E) nem agüjang, ta mepishia metetdaktsü.
Senden nungsa State Finance Department-i agütsüba e-procurement aser e-tendering indang nung o lemtepa liasü.
e-tendering dak sendakba nung Finance Department-i, contract atema sen crore 1 dak tema bills aser supply indang sen lakh 20 dak tema bills asoshi e-tendering ajanga inyaktsüla, ta metetdaktsü.
Senden nung Gender Expert, UNW aser Nagaland State Consultant, Sanghami Mitra-i ‘Gender Responsive Budgeting’ onük nung power point presentation ka agütsü.
OSD, Planning, Kevileno Angami-i, department 15-i Gender Nodal Officers shimogo, ta metetdaktsüba den külemi tanga department 9 danga tekaratiba nung Nodal Officers shimtsü mepishia metetdaktsü.
Senden nungsa tobacco control awareness atema inyaktsü aser awareness campaign ajungkettstsü atemaa jembia liasü.
Commissioner of Taxes-ia GST indang presentation ka agüja liasü.