Ahthibung Sub-division kübok tashidak agi menentsür aliba tesem sangdongogo

Dimapur, Chiteni/July 6 (TYO): Sub Divisional Officer (C) Ahthibung, Ruopfukuotuo Noudi-i July 5 nü sangdong ka ajanga, Beisumpuikam yimtsüng aser temeket ajak, tashidak agi menentsür aliba tesem ta sangdongogo. Beisumpuikam Community Quarantine Centre nung COVID-19 tashidak keta alir potetba sülen iba osang agüja liasü.
Kasa sangdong ajanga, medical/emergency services daka alaka quarantine centre temeket nung shinga senzüsenpongtsü asoshi memelatsü, ta metetdaktsüogo. Department of Health & Family Welfare-i tetuyuba agütsür aliba ama merekmeju, lokti nung tsüngdang ita inyaksangshiba aser tanga tinyaktsütem ajak benoka inyaksansgshitsüla, ta metetdaktsü.
Maneni SDO (C)-isa, medical department dang inyakyim dak ajemdaker contact tracing inyakyim tangsa tang tenzüktsü aser nüngdak dang süra quarantine centre nung munga alirtem dak tashidak tanaben tendangshitsü asoshi tetuyuba agütsüogo.