AIBSNLEA & ALGETOA-i lungkak aiter

Dimapur, May 25 (TYO) : Bodbar nungi All India Bharat Sanchar Nigam Ltd Executive Association (AIBSNLEA) aser All India Graduate Engineers Telecom Officers Association (ALGETOA) züngsemtemi BSNL, CGM offce, Dimapur nung anogo asemnü lungkak aitba sentong tenzükogo.

MA Khan-i aniba ludeni BSNL nung JTO, SDE equivalent executives aser CPSU cadre nem standard E2 aser E3 scales agütsütsü junger ta ashiba nung ajemdaker parnoki takhangba agüja lungkak aiter, ta tanü parnoki osangbener dang ashi.

Takhangbatem rongnung BSNL recruited employees nem 30% superannuation benefit aser HR onüktem dena lir, ta lungkak aitertemisa metetdaktsü.

Bangdakpurtemi telangzüba tajung magütsüra, parnoki June 1, 2016 nungi BSNL Co., New Delhi kima nung “Delhi Chalo” ta ser mapang telatet makai lungkak aittsü ta parnokisa shisem.

Dimapur nung lungkak aitba sentong nung NE-II circle (Nagaland, Manipur and Arunachal Pradesh) kübok mapa inyaker 210-i shilem agir.