AIFUCTO-i NEP 2020 atema khuret lemsatep

Dimapur, Aami/June 09 (TYO): All India Federation of University & College Teacher’s Organizations (AIFUCTO) NEC Meeting-cum-National Seminar sentong Kohima Science College, Jotsoma nung ‘NEP 2020: Envisioning Quality Higher Education’ omen kübok June 9, 2023 nü tenzükogo.

Iba sentong ya AIFUCTO & All Nagaland Government College Teachers’ Association (ANGCTA) aser Kohima Science College Teachers’ Association (KSCTA) lungjemer ayongzükba alitsü.

AIFUCTO tir Prof. Kesab Bhattacharya-i iba sentong nung jembidang, democratic organisations ajungai National Education Policy 2020 nung education system ya E – equity, excellence and education for all meyoktepa alitsüla ta khangaka 3 C’s – centralization, commercialization and communalization ang benok aser iba yongji AIFUCTO ajanga NEP 2020 anema nokdaker, ta ashi.

Education policy ya kanga junga yanglu aser ajaki angatettsüsa lir, saka jungjunga züngdangra ibai lendong aketba education policy ka lir, ta Prof. Bhattacharya-i ashi.

NEP nükjidong ya 2035 tashinung Gross Enrolment Ration shilem 50 tongtettsüba lir, saka iba atema senotsü jenti indoktsü, ta pai ashi.

Sorkari shisaliok ulushiba ya PPP model ajanga inyaktsü benoka lir, kong ‘private’ melen ‘philanthropy’ inok. Tajangzük angutsü masadangi philanthropic organizations (mapa tajung atema senotsü teyari agütsüba lokti tentet) temi linük nung shisaliok ulushitsü atema sen indoktsü asü, ta pai asüngdang, koba ajanga tajemzükba tia nung alirtem dak kongshitsü aser ‘survival of the richest’ akumtsü, ta ashi.

Syllabus nungi Darwin’s Theory of Evolution, Mendeleev Periodic Table agiener komasür sorkari scientific temper takok aginer, ta Prof. Bhattacharya-i asüngdang.

NEP 2020 indang document nung education nung ‘gender equilibrium’ mesüra women education indang kecha shia mali, ta pai ashi.

Choice based credit system ya tangatsübo junger, saka higher education nung dropouts tali akumtsü aser ishika dang temaba jenjang tongtettsü.

NEP 2020 nungya aibelen jenti lir aser ajak dang tongtipangtibaji government school aika shibangtsü aser makamait SC/ST nungi higher education nung aika züngtur anentsü, ta pai ashi.

General Secretary, AIFUCTO, Prof. Arun Kumar-i sentong tenzüka jembidang, linük nung university aser college tesayurtem asoshi national jenjang nung sabangji AIFUCTO ya dang lir aser ibai democratic, secular, scientific aser inclusive education system asoshi inyaker, ta ashi.

AIFUCTO ya 1962 küm tenzükba sülen Indian Constitution metsünga-reta amshir aser linük nung sobaliba balala, tamangba yimsü balala aser oshioben balala akumtsüboa amshir. NEP ya July 20, 2020 nungi amshi tenzükogo aser state aser stakeholders tem tebilemba mangadang, ta ashi.

Iba sentong nung National Secretary, NE Zone, Prof. M. Lokendro Singh ajanga Teachers’ Movement in North East India indang jembia liasü. Iba sentong nung President KSCJTA, Dr. Richard Dzüvichü menden liasü aser General Secretary, ANGCTA, Dr. Yelhi Vero-i melepzüng o jembia liasü.