AIGF-i Modi dangi temepishiba shidi ka zülu

New Delhi, September 8 (Agencies) : All India Gaming Federation (AIGF)-i Ato Kilonser Narendra Modi dangi linük nung sports betting melatsü atema mepishia shidi ka züluogo.
Ato Kilonser dangi züluba shidi nung AIGF-i, sen dak tsükdakba ajanga India nung aliba saisapong telok ajak, balakata cricket masüba teloktemi alima den metoktepteter, ajisüaka sports betting mela nungbo iba nung jagi sen aruba ajanga kanga yaritsü, ta zülua aliba AIGF sangdong ka ajanga metetdaktsü.
AIGF ya tajangzük angutsü atema inyakba tentet ka masü aser iba telok ya Societies Registration Act 1860 kübok Mumbai nung register süa lir.
Saisapong aser iba dak sentakba mapatem ajungkettsü aser state o centre dang saisapong tsütsü temulung tali agüja gambling addiction nokdangtsü atema lenmang tuyutsüji AIGF teinyaktsütem lir.