AIMPLB-i UCC anema Law Commission nem tezüluba ka agütsü

New Delhi, July 0 5 (Agencies): Bodhbarnü All India Muslim Personal Law Board (AIMPLB)-i Uniform Civil Code (UCC) anema Law Commission of India nem tezüluba ka nung telangzüba agütsüogo; tezüluba nungji UCC anema onük kar metetdakja lir aser linük temzüng kübok agüja aliba temeden balala metetdakja lir.

AIMPLB working committee-i UCC dak sendakba nung telangzüba ‘draft’ ji agizükba sülen Law Commission ket nung agütsü.

Tamalen Law Commission of India Secretary-i AIMPLB dang UCC dak sendakba nung tebilemba/telangzüba agüjang, ta metetdakja liasü.

AIMPLB secretary general-i, UCC atema o lemtepogo aser tatemsa UCC ya menüngdak mesüra taginüba masü ta bangjemogo, ta metetdaktsü.

Committee-isa tamangba yimsü dak sendakba organization balala, nija aser lokti lenirtemi tim telangzüba renema agütsütsü atema ita trok agütsütsüla, ta mepishi.

Tamalen AIMPLB-i executive senden nung bangzüng ka renema, Uniform Civil Code (UCC) ya tamakoktsü, kechiyong iba ya menüngdakba ozüng ka asütsü, ta sangdonga liasü.