Ainba aser Terenlok

Kechiyong shibai nenok dak mapa tajung tenzük, pai Yisu Khrista anogo tashi ajisa abensatsütsü. Filipi 1:6.

Tanela nung terenlok kaa aintsübaji bendanga agütsüba Khristantem nükjidong lir. Renloka aoba putu ka nung asenok alir. Rongsen, tekolok shisatsü, aser nisung shisatsü bushitetba nung kanga renloka akümer. Kechiba nübu ka tongtipangtiba shilem, tanela nüngdak metendaktsür ?

Bendanga agütsüba Khristan ka ama asenoki Tsüngrem O metetba nung aintsü bushir. Asenoki Tsüngrem tesüngmangtsü O metettsü  bushir. Tsüngrem sentsüwangshi tajungtemji kechisa? Pai teti tatem makai asenok tsütsü bilembatemji kechisa ?

Asenoki tamang nung inner. Kong tamang tashi mait aser meyipshia alir, tanela nung tarendak aser meyipshia alir, tanela nung  tarendak aser mamangba mulungjang lidaktsür. Mulung lemtet tamangi jenjang agi malizükba tepela aser rongsen Khristai asenok asoshi alizük iba rongsen dangi anir. Tamangi Tsüngrem tenangzükbatem rizüngdak teka sotaka lapoker.  Iba yagi tangatetba tamang, tangatetba tashi itdaktsür aser Khristan taküm tasü itta lidaktsür.

Khristan tamang nung kija taküm tamang nung aitsüba lemangji tatakzük makai lapoka lir. Külemtsü asoshi tenla ki na anasa lapoka ali ama, azüngtsü asoshi ne teka nung Laishiba lapoka ali ama, na tamang nung aintsü lemangji lapoka lir. Pa O Pai ataloktsütsü ta asenoki metet aser mapa amajok masü. Iba tangatetba asenoki metsü proker – aser takokji Tsüngrem ket nung yutsür.

Kodang mapatem tai akümer ama akümer, Kibuba, onoki Ne tenüng nung inyakba mapa tamakok masü ta angatetdakjang. Amen.