Air Chief, Eastern Air Command jenjangi Rajiv ajungket

Shillong, Metsüremi/March 01 (Agencies): Meghalaya state kübok Eastern Air Command headquarters nung March 01, 2019 Hokolbarnü Air Marshal Rajiv Dayal Mathur nem Air Officer Commanding-in-Chief jenjang agütsüogo.
Tang Eastern Air Command headquarters nung Air Marshal Anil Raghunath Nambiar melena Air Marshal Mathur shimogo.
Shillong kübok aliba headquarter – Eastern Air Command yagi state 11 ayimjema repranger. Iba EAC kübok Chabua, Guwahati, Bagdogra, Barrackpore, Hasimara, Jorhat, Kalaikunda aser Tezpur tesem nung air base amenoka lir. Iba denji külemi Agartala, Kolkata, Panagarh aser Shillong tesem nung forward base tem yanglua lir.
Air Marshal Nambiar, shibai taoba Kargil tongbang rara mapang pai aniba tayimtsü ajanga Laser Guided Bombs 8 nungi 5 tashi Pakistan nunger sepia aliba tesem nung khaloktsüba atema pa nem tetushi agütsü, pai Western Air Command nung IAF indang chief mapa agizükogo.
St Joseph’s Academy, Dehradun alumnai, Air Marshal Mathur-i 1978 küm National Defence Academy nung aden aser June, 4, 1982 küm IAF indang fighter stream nung pa commission süa liasü.
Fighter aircraft, trainer aser helicopter tapu balala nung Air Marshal Mathur-i ghonda 5,000 dak tema tajangshiba ngua lir. Iba den külemi paisa space aser cyber wings nung lennir ama inyakogo.
Eastern Air Command nung Mathur Chief jenjang mangudang pa Gujarat kübok Gandhinagar nung South Western Air Command indang Senior Air Staff Officer ama tenzüka liasü.
Taoba mapang front-line Air Force station aser fighter aircraft squadron densema Mathur-isa Command aser Staff jenjang nung tenzükogo.
Pa indang staff appointment temji Air Headquarters New Delhi, Air Defence Commander, Headquarters Eastern Air Command nung Air Staff (Space) indang Principal Director, Information & Electronics Warfare aser Assistant Chief ama inyakogo.
Defence Services Staff College, Wellington aser National Defence College, New Delhi nungi Air Marshal Mathur post-graduate course tem agiogo aser pai Madras University nungi Defence & Strategic Studies nung M.Sc aser M Phil degrees ngua lir.
Mathur-i 2003 küm Vishisht Seva Medal aser 2014 küm Ati Vishisht Seva Medal agizüka lir.