Air India-i tetsürtem atema sentong tasen ka tenzüktsü

New Delhi, January 12 (Agencies): Air India-i tetsürtem asoshi linük telongzük nung senzüba tayimtsütem nung menden mekazüka yutsütsü.
Linük nung senzüba tayimtsü ajak nung January 18 nungi tenzüka tetsürtem asoshi menden trok-rok mekazüka yutsütsü, ta osang ka ajanga sangdonga lir.
Air India-i tetsür nem menden mekazüka yutsütsüba sentong ya alima nung mezüngbuba alitsü. Train, metro aser bus tem nungbo iba sentong tenzükogo.
Air India indang Mumbai-Newark tayimtsü nung tawa passenger kati tetsür ka dak kongshiba sülen iba sentong tasen ya tenzüker. Tayimtsü anüngtom nung lia business class nung aliba passenger kati economy class nung mena aliba tetsür ka anasa amentsü asoshi menden melen, aser iba tetsürla amozüka orr lia la dak kongshia liasü.