AIR Kohima nung local dialect sentong tenzükshir

Dimapur, Rongchii/April 20 (TYO): All India Radio, Kohima nung local dialect sentongtem ajanga osang sangdongba April 20, 2020 nü nungi tanaben tenzükshir. COVID-19 aser danga tongtibang osangtem nüburtem nem metetdaktsütsü mechi oshi 14 nung iba osang ya sangdongtsü.
Sorkar, mongintem aser tentet balalai COVID-19 dak sendakba mera agiba aser nüburtem nem totuyubatem anogoshi ama sangdong balala ajanga metetdaktsür, aser osang kakettem lema agütsüba nung timtem tetsükdaktsü balala ajuruba ajanga state nung osang kakettem menüngba abeba ataba mechi yimtaklir timba radio osang dak metaloker alir.
Internet ajanga prokshiba osang kakettem ya nübur timba aser talisa yimtsüngtem nung aliri mangur, anungji state nung nüburtemi osangtsüsang metettsü asoshi radio ya tongtipangba kümogo.