Airtel-i 4G amshirtem nem ‘90 days data pack’ lapoktsür

New Delhi, September 23 (Agencies) : Bharti Airtel-i Reliance Jio indang free data den tokteptsü atema mera tasen ka agia, 4G amshirtem nem atakteta sen 1494 alanga 90 days free data plan amshitsü maongka agütsütsü tenzükogo. Special 4G data pack ajanga Airtel 4G amshirtemi anogo 90 nü tashi free data amshitettsü.
Linük nung telecom service tulutiba, Airtel-i, iba ’90 days pack’ ya tamshir tejentem pur nem sen 1495 agi agütsütsü aser tasentemi mezüng recharge asüdang sen 1494 agi iba offer angutsü, ta metetdaktsü.
Bharti Airtel, Operations (India & South Asia) nung Director Ajai Puri-i, “Yimya agi 4G handset amshirtemi data timba amshir aser iba offer ya parnok dak rangloker tenzük,” ta ashi.
Iba maongka agütsüba ajanga tamshirtem data atemtsü mesüra recharge asüi aotsü kecha marendaki aser shisa mebului anogo piyong online nung litettsü, ta company-i shisem.
Iba offer ya tang Delhi nungbo tenzükogo aser anogo ishika tsüngda nung linük tesem balala nunga amshitettsü.
Reliance Jio-i SIM angadi agütsüba den anogo 90 nü tashi free data aser free voice offer lapoktsüba ajanga nübur aika parnok dangi meyipogo.
Parnoki iba offer lapokba ajanga telecom company tem tsüngda kanga tokteptsü tenzükogo.