Airtel-i jila 296 nung 4G amenokogo

New Delhi, August 6 (Agencies): India nung service agütsür tajungba, Bharti Airtel-i teshimtet yimti kar nung jungjunga tendangba sülen customer temi telangzüba agütsüba nung ajemdaker, Brihostibar nü parnok meyong ‘high-speed 4G service’ linük nung aliba jila 296 tashi nung amenoktsüogo.

AirtelBSE -0.48 % -i 4G amenba sülen iba service ya smartphone, mobile phone, dongle balala, 4G hotspots aser Wi-Fi dongle tem ajanga amshitettsü. Iba ya Mukesh Ambani meyong Reliance Jio Infocomm ajanga December ita nung 4G service lapoktsü aliba jakdang lapoker asütsü.

Idea CellularBSE 1.39 % aser Vodafone India company temia taküm küm tatemlen mesüra sangküm tetenzüklen 4G service lapoktsü asoshi sangdongogo.

Customer temi langzüba nung ajemdaker onoki tanü India nung mezüng 4G service lapokogo. Iba mera tila ya ajanga tarutsü nung nüburtem kanga ajangzüktsü,” ta Bharti AirtelBSE -0.48 % (India & South Asia) nung MD aser CEO Gopal Vittal-i sangdong ka ajanga metetdaktsü.

Airtel-i 4G service ajungketba maparen nung Flipkart aser Samsung na den loktepogo.