Airtel-i Reliance Jio den toktepa 3GB plan agutsür

New Delhi, Mongputeni/October 03 (Agencies): India linük nung telecom operator tanabuba jenjang nung aliba Airtel-i prepaid subscribers atema plan tasen ka sangdongogo; plan tasenba Rs 181 pre-paid plan jagi Reliance Jio aser BSNL na den tokteptsü.
Airtel indang Rs 181 plan ajanga subscribers nem 42GB data agutsür, aser ibaji Rs 199 plan den kasa lir. Ana tetsüngdaji validity dang balala lir.
Rs 181 plan indang validity ji anogo 14 aser Rs 199 recharge pack ji anogo 28 atema lir.
Data dakji alia unlimited local aser STD call den anogo ka nung SMS 100 yoktettsü. Rs 200 kübok anogo ka nung 3GB 4G data agutsüba plan ji tang mezüng asütsü. Tang tashi nungbo tanga telecom operator shingaia Rs 200 kübok yamaji data magütsür.
Airtel indang Rs 181 plan ajanga Reliance Jio indang Rs 198 plan aser BSNL indang Rs 187 plan den tokteptsü. Rs 198 plan kübok Reliance Jio-i anogo shia 2GB data den unlimited local aser STD voice calls agutsür, iba denji külemi anogo shia SMS 100 agütsür aser validity ji anogo 28 atema lir.
Ano külen SNL-i anogo shia 3.2GB data den SMS 100 agutsür. Iba plan ya anogo 28 atema lir aser unlimited call agütsür.
Taoba ita Airtel-i prepaid amshirtem atema Rs 97 plan sangdonga liasü. Iba recharge pack kübok Airtel-i call benefits den data aser validity talangba agutsür.
Rs 97 plan ajanga local, STD aser roaming voice calls minute 350 agütsür.
Iba denji külemi subscribers nem 1.5GB data den 200 local aser STD SMS agütsür.
Iba plan ya anogo 28 atema lir.
Item plan agitsü atema Airtel amshirtemi company indang official website nung reprangtsü akok mesüra My Airtel app download asütsü akok.