Airtel-i sen 259 agi 10GB 4G data agütsütsü

New Delhi, October 19 (Agencies): Taoba mapang 4G data jenjang noklang nung shilem 80 agi tajemba kümdaktsüba sülen Bharti Airtel teloki sen 259 agi 10 GB 4G data agütsütsü renemba osang ka sangoktsüogo.
India nunger shishilembar mongin, Mukesh Ambani’er Reliance Jio India nung amshitsü tenzükba sülen Airtel teloki par 4G data jenjang tajemba kümdakja sen 51 yong 1GB agütsütsü tenzüka lir.
Ajisüaka, par teloki agütsütsü renemba 10GB 4G data amshitsü jangrartemi J series Samsung phone amshitsü asoshi latetja lir.
Ano külen, tan 10GB 4G agütsütsü atema benokba mapatonga 4G phone tasen amshirtemi dang amshitettsüsa renemja lir.
Phone tasen amshirtemi mezüngsüa 1GB data amshitsütettsü aser tanüngba 9GB-ji MyAirtel App ajanga dang amshitettsü.
Iba maongka ya anogo 28 atema dang alitsü aser par data amshirtemi anogo 90 tsüngda nung timtiba agi 3 ben tashi dang recharge sütettsü.
“India nung 4G amshirtem atema maongka jenti agütsütsü renema lir. Tan maongka agütsüba ajanga Airtel data amshirtemi par phone tasen nung high speed broadband jangratema amshitettsü,” ta Ajai Puri, Director, Market Operations, Bharti Airtel-i metetdaktsü.