Airtel-i unlimited voice call, 18GB 3G/4G offer agütsür

New Delhi, November 23 (Agencies): Reliance Jio 4G Welcome Offer ajanga India nunger telecom industry anokshidakja liasü aser ita ka kija nung subscribers million 16 tashi nugteta liasü.
Iba osangji tanga telecom company tem- Airtel, Vodafone, Aircel aser Idea atema osang tamajung ka liasü.
Ajisüaka India nung telecom servive agütsür mezüngbuba jenjang nung aliba Sunil Mittal’er company, Airtel-i ibaji anema offer aika agutsüba sülen maneni parnoki offer tasen ka sangdongogo.
Airtel-i Rs 2249 agi unlimited voice calling (local aser STD) den 18GB 3G/4G data agütsütsü sangdongogo.
Iba offer ya anogo 28 atema asütsü aser tesehimtet customers atema dang asütsü, iba maongka atema company nungi parnoki SMS ka angutsü.
Ajisüaka Airtel pre-paid amshirtemia iba offer ya angutsü- Airtel Store-i oa senji agütsüba ajanga activate asütsü.
Airtel amshirtemisa USSD code amshitsü akok. 121*1# anemba sülen tetuyubatem anaji inyaktsüla. MyAirtel App launch asüba sülen ‘Special Offer’ section-i oang, Rs 2249 plan shimang aser OK nung anem nung iba sülen ghonda 4 tsüngda activate asutsü.