Airtel, Intex na sentong ka atema longjemer

December 6, 2017 (Agencies): Bharti Airtel puri sangdong ka ajanga Bodhbarnü India nunger smartphone yangluba company Intex Technologies den advanced features aketba affordable 4G smartphone tem sayatsüba atema longjemba metetdaktsüogo. Telecommunications services provider ajanga ashiba agi, Intex indang 4G smartphone tasenba Aqua Lions N1 ya Airtel customers tem nem sen 1,649 agi agütsütsü, koba market nung sen 3,799 meshir.
“Iba 4G smartphones tasenba den külemi Airtel puri sen 169 jenjang monthly pack agütsütsü koba nung data aser calling benefits densema lir. Onok indang ‘mera pehla smartphone’ sentong customer aser smartphone yanglurtem nungi telangzüba tajung anguba ngua kanga pelar,” ta Bharti Airtel, Chief Operating Officer (India and South Asia) Ajai Puri-i ashi.
Company sangdong ajangasa ashiba agi, iba sentong kübok Airtel puri mobile handset yanglur aikaden longjemer 4G smartphones ajaki atutsüsa feature phone tem jenjang nung parnok customertem nem agütsütsü asoshi nükjidong lir. Aqua Lions N1 den külem i iba sentong kübok Intex Aqua A4 aser Intex Aqua S3 bendenloksema lir.