Airtel ket-i Augere wireless aitogo

February 17, 2017 (Agencies): Madhya Pradesh circle nung 2,300Mhz ‘band spectrum’ indang ‘slot’ ka amshia aliba company, ‘Augere Wireless’ ya Bharat Airtel ket-i aitogo.
Augere Wireless Broadband India Private Limited (Augere) ajanga Madhya Pradesh nung aliba 2,300Mhz band nungi 20Mhz amshir aser iba ya 4G asoshi amshitsü lir. 2,300Mhz band Madhya Pradesh nung aliba yagi, Chhattisgarh nunga network agütsür aser iba spectrum ya 2010 küm, sen crore 124.66 agi alizük saka mamshi lir.
Augere Wireless ket nung aliba ajunga Airtel-i alizüktsü asoshi, taoba küm August 26 nung züluteba lir. Aser iba ‘spectrum’ jenjang ya sen crore 150 lir. 2016 küm December tatem tashi nung Airtel indang network agütsüba tashi ya 710Mhz lir.
Airtel ajanga sen crore 3,314.36 agi ‘service area’ pezü indang spectrum alizük. Iba sülen India nung aliba Qualcomm indang spectrum circle pezü aser Aircel indang telecom circle ti alizük.