Aishwarya-i shilem agiba ‘Jazbaa’ film sayaogo

Mumbai nung ‘Jazbaa’ film sayaba sentong nung Bollywood actress Aishwarya Rai Bachchan-i tenu Aditya Rai, tetsü Brindya Rai aser tebu Krishnaraj Rai nunger den külemi agiba noksa angur.

 Mumbai, October 09 (Agencies): Jazbaa film nung actress Aishwarya Rai Bachchan-i la sasa stunts tasak kar nung shilem agiogo saka lai ashiba agi iba film ya ‘action’ film ka masü.

Iba film nung Aishwarya-i okatsür ka aser tanur tetsü ka ama shilem agir aser lai tetsür tashiyim agir raksatsür tepseter ka atema okatsütsü asoshi amokmerena inyakdaktsür.

Lai iba film nung shilem agitsü atema koma renem ta asüngdangdang, “Renemtsü asoshi mapang maliasü. Set-i orrbo shilem agitsü tenzük aser ni shilem agitetba atema kanga pelar” ta lai langzü.

‘Jazba’ ya tanü (October 9) nü sayaogo aser Sanjay Gupta-i direct asüba Central Board of Film Certification (CBFC) nungi U/A certificate nguogo.

Aishwarya Rai Bachchan den külemi Irrfan Khan, Shabana Azmi aser Jackie Shroff nungertemi iba film nung shilem agir.