Aishwarya Rai o Sonam Kapoor nati Cannes 2016 nung shilem agitsü

Mumbai, April 19 (Agencies): Bollywood actress, Sonam Kapoor o Aishwarya Rai Bachchan nati France kübok Cannes nung kümshi ayonga agiba 69 buba Cannes International Film Festival nung shilem agitsü sentong renema lir.

Nisung tobur jungdaktsütsü osettsüset yanglur tongti tentet, L’Oreal Paris indang brand ambassador, Sonam o Aishwarya nati L’Oreal tenüng nung Cannes benjungmong nung shilem agitsü renemogo.

Yaküm shilem agiba densema, Sonam-i tanü tashi nung L’Oreal tenüng nung 5 ben tashi iba film benjungmong nung shilem agia lir.

2016 Cannes film benjungmong ya taruba May ita 11 nü nungi 22 nü tashi agitsü ayonga lir.

Sonam-i tesüsa Ram Madhvani-i nisung taküm otsü nung ajemdaker yangluba Neerja film nung shilem agia lir aser Aishwarya-ia taruba May ita 20 nü sayatsü renemba Sarbjit film nung tesüsa shilem agiba osang jangjaogo.