Aiür chanu kati awatsüng telung nung hon lung shia aru

Germany Gold Found-1Berlin, August 12 (Agencies): Aiür chanu kati German Alps nung aliba awatsüng ka nung tzü awadang touzük gram 500 hon lung ka tzü telung nungi shia aruba osang police-i tanü Bodhbar nü metetdaktsüogo.

Arishi küm 16 tain aiürlai Austria arrtsülen, Berchtesgaden anasa, raliwalirtemi kanga sapua semdangdak, Koenigssee awatsüng telung nungi hon lungji shia arua liasü.

“Awatsüng telung nungi shia aruba hon lungji kong nungi’ar iba osang jangjashitsü asoshi ozü ketdangsertemi bushisüngdangtsü tenzükogo,” ta police-i metetdaktsü.

Aiürlai awatsüng telungi feet 6 ser tesadang irr tzü awadang hon lungji taoba Hokolbar nü shia aruba sülen kasaji police ket tongtsüba osang jangjaogo.

Sorkar ketdangsertemi tzü telungi airtem yoka hon shia arudak aser temeket tesemtem nung bushisüngdanga liasü, saka parnoki hon mesüra iba amala senti oset kecha mongutetba osanga jangjaogo.

You must be logged in to post a comment Login