Aiür ka ket nung Spasmo Proxyvon capsule 2360 apu

Dimapur, April 07 (TYO) : Osang tejangja angashiba sülen April 06, 2016 nü Excise (Narcotic cell)-i  shibangtsür aliba Spasmo Proxyvon capsule 2360 tashi Signal Bosti, Dimapur nung alir, Wb. Bendang-bar jala arishi küm 19 tain, Wt. Alice ket nungi pua lir, ta Dy Commissioner of Excise (NC) Nagaland : Dimapur, Visedelie Mepfuo-i sangdong ka ajanga metetdaktsü.
Iba aiür ya Drug & Cosmetic Act 1940 kübok pua lir. Iba mita aoba mapa ya Tiameren AIE, Ikiho H/c, Shikaho, Abel, aser Nemao nungeri anir ao. Parnok ajak ya Excise nung constable kaka lir.
Iba jakdang March 4 nung 31 tashi Khuzama checkgate nung Excise (NC) duty amenertemi Codeine aket mozü pongdang 1860, Ganja seret 70, Spasmo Proxyvon capsule 23,120 aser IMFL & Beer pongdang 844 pua lir. Item oset bena alirtem parnok nisung 25 pua lir, ta kasa sangdong ajangsa metetdaktsü.