Aiürla aser tebu dena sensaksemer

Aiürla : Hi, Oba tanü tu ni nüngdak ka atema ayazüka ao nungbo ozü medemtsür ki anasa tapayutsü kijong lanu ka tamalen pai machi majemtsü chiajemba nungi tashidak tamajung adoka küm ana asemka kangshia lir külen asüa ta, pa asü pila sentep agia aliba nung oda nia oa angadang nungbo pa kinungtsü jagi jembidang oda pa alima nungbo shi nung kanga dang timtema tanü alima nungi pilalogo. Saka pa tasütsü lia pa temulung meyiper tekümtet ngur pabo kodaki ogo ta shia angashiaja.
Tebu : Hauja, nai ashiba ama tanüji shiba’ar asüba kinungtsüi mesüra sentep nungji pastortemi-a ashiba agi oda pabo alima nungi pilar saka pabo kodaki ogo ta shia angashibaji dang tanganütsüka saka tasüsang mesüra tasüla aser Tsüngrem denati dang metet ako.
Aiürla : Hauja, asenok meimchir ya na mesüra ni alima nung alitsü asoshi asen Teyangluri arishi talangka moaja lia alitsüa akok. Saka aseni asen taküm mekümdangi alibayong alima nung asenok timbaka tatem metongteti pa dang sentsüh ka ama doktsü pilar asütsüa na oba.
Tebu : Hauni, ni bilemba ka nü dang shidangti, asenok meimchir na mesüra ni alima nung taküm junga aliba mapang aseni japujari tejangraba ajak nung rangloker lia alitsü bilemdang asen teyanglur ama adoker dang ashi, item ajakji doktsür asen taküm ya asen teyanglur dak dang amanga meimchir dang laishibai kechi koma ka ashir item tesayuba nung ajemdaker libaliro ajak nung ajemalua litet nungbo asen taküm timtem tekangshi kecha majurui kodang alima nung arishi agüja aliba jangratema lir külen tembangdir asen süaka asen tanelabo Kodak nung kodanga tatem maka tepela nung dang alitsü ta kü nüklai teti angur. Yamaji nenok Aiür Asangurtema nenok taküm junga aliba mapang nung nü nükla tajung yur alitsü merangangma.

Lilir : Mr. S. Repa Pongener, Near DC Court Dimapur.