Aizawl central jail nung tepuoker 19 dak COVID-19 putet

Aizwal, Aami/June 24 (Agencies): Aizawl central jail nung ano nisung 19 dak Covid-19 tashidak putetba sülen taoba ghonda 24 tsüngda state nung tashidak menar 226 jungogo aser Brehostibarnü tashi nung positive rate 7.20 per cent nung lir, ta health ketdangsür kati ashi.

Bodhbarnüa central jail nung tepuoker 103 dak tashidak keta aliba putetogo, ta ketdangsürisa ashi. Paisa, state nung taoba ghonda 24 tsüngda Covid-19 tashidak agi nisung ka süa, asür ajak senteper 86 jungogo, ta ashi.

Mizoram nung Covid-19 tashidak menar 18,624 jungogo aser item rongnung nisung 4,442 tang temang anepaludar aser nisung 14,096 anepogo.

Brehostibarnü tashidak puteter 226 ya Aizawl district nungi 140, Kolasib district nung 37, Lunglei district 31, Siaha district 8, Hnahthial district 5, Lawngtlai district 3, Serchhip aser Kolasib district nungi kaka lir, ta ketdangsüri ashi.

Tashidak mena alir 41 Zoram Medical College indang RT-PCR laboratory ajanga putet, nisung 12 TrueNat laboratory balala ajanga aser tanungba 170 ya district balala nung Rapid Antigen Test ajanga putet, ta paisa shisem.

Taoba ghonda 24 tsüngda tashidak putetertem rongnung tanur 54, yakbang nung inyaker 2, Border Security Force BSF (BSF) jawan ka densema lir, ta pai ashi.

Tashidak menar alirtem rongnung parnok trok tangalen senzüba jangjaogo aser tanungba nisung 220 ya state nung menaba ta jangjaogo.

Tashidak puteter 226 rongnung 116 dakbo Covid-19 tashidak keta aliba temaitsü sayudar.

Taoba ghonda 24 tsüngda sample 3,136 tendangba sullen item nisungtem dak tashidak puteta liasü, ta ketdangsüri ashi.

Tang tashi nung Mizoram nung sample lakh 4.65 tendangogo. State nung recovery rate 75.68 per cent aser mortality rate 0.46 per cent nung lir.

Kasa mapang nung state immunisation officer Dr Lalzawmi-i ashiba agi, Bodhbarnü tashi nung nisung lakh 4.37 nem vaccine agütsüogo aser item rongnung nisung 53,892 nembo Covid-19 vaccine dose anaprongla agüjatokogo.