Aizawl nung heroin gram 445.3 apu

Aizawl, January 31 (Agencies): Mizoram Police-i tanü Aizawl heroin gram 445.3 apu. Iba dak sendakba ken o nung nisung 3 puogo.
Ozüng alema amshiba mozü Myanmar nungi maxicab ka nung shibelena alidang, Aizawl aser Mizoram-Myanmar na arrtsü nung Zokhawthar yimdak apu.
Police-i ashiba agi mozü jenjangji sen lakh 16 shi asütsü.
Iba dak sendakba ken o nung nisüng asem pua aliba rongnung 2 Bur nunger North Tripura district nungi, aser gari anisangji Mayanmar nunger lir. Narcotic Drugs and Psychotropic Substances Act, 1985 nung ajemdaker pa asem aitsüogo.
Kaskau Bru relief camp nungi James Lalnunchhara (31) aser Dhamcherra nungi Tinsiak Ril Tripura (26) na ozüng alema amshiba mozü shibelenba atema police-i talangka nungi mita liasü, saka kuli tejangja maliba ajanga tena khen danga meputet, ta police-i ashi.