Aizawl nung “Jina & Etiben” jilushi sayu

Aizawal (Mizoram) nung Sangeet Natak Academi-i ayongzükba sentong nung Jina & Etiben” jilushi sayaba mapang shilem agirtem tangokba noksa nung angur. 

Dimapur, Metsüremi/March 06 (TYO): Vanapa Auditorium Aizawl (Mizoram) nung February 27, 2019 nü Sangeet Natak Academi (New Delhi)-i ayongzükba sentong ka nung Bendang Walling indang Hill Theatre-i ‘Jina & Etiben’ ta nüngja agütsüba jilushi ka ajanga telok jangrademdakja liasü.
New Delhi nung aliba Sangeet Natak Academi ya Ministry of Culture kübok Government of India-i tenzüktsüba national level academy arts sentong ka lir.
India nung kin balala indang sobaliba tsüngsang, drama aser music tem wazüka ayutsü aser ajungkettsü atema arts indang shilem nung iba academy yagi tongtibang shilem agir.
India kübok festival sentong balala nung Hills Theatre-i ‘Jina & Etiben’ jilushi 8ben tashi sayaa lir. ‘Jina & Etiben’ jilushi ya Bendang Walling-i direct süa liasü.
Tawa Sangeet Natak Academi nung shilem agiba dak alaka, Hills Theatre-i North East Theatre festival, Sichar (2016), National Theatre Festival, Mokokchung (2017), North East Theatre festival, Jharkand, Odisha den West Bengal (2018) aser North East Theatre festival, Dimapur (2019) sentong nung shilem agiogo.