Aizawl nung Khristmas atema security akangshiogo

Aizawl, December 22 (Agencies) : Christmas aser New Year benjungtem tiptema amungtsü atema Aizawl aser temeket nung security akangshiogo, ta Aizawl district SP Lalhuliana Fanai-i tanü metetdaktsü.
Hokolbar nungi nikongtsütsü 6:00 ako nungi anepdang 5:00 ako tashi night foot patrolling tenzükogo, ta Fanai-isa ashi.
Aizawl nung armed aser unarmed policemen-i iba mapa inyaker aser ano yi jemer gari manidaktsütsü atema driver tem sota tendangba maparen tenzükogo, ta paisa metetdaktsü.
Christmas shishilembaba mapang nübortem yariteptsü atema New Market Area nung police helplines asem tashi lapokogo aser aonung shia SPs aser Commandants mapa lemzükja security ketdang asür, ta Fanai-isa ashi.