Ajak nem power connection angati agütsütsü Nitish-i tuyu

Patna, November 27 (Agencies): Bihar Assembly election mapang nangzükbatem rongnung ka atalokja state Chief Minister, Nitish Kumar-i ketdangsertem dang 2017 November tashi nungbo Bihar nung ajak nem light connection angati agüjang ta tuyuogo.

Election mapang Nitish Kumar-i nüburtem dang tenangzükba tenet agiba rongnung state nung ajak nem light connection angati sütsütsü tenangzükba ya densema liasü.

Light connection ji angati asütsü, saka light atsükertemi light atsükba atemabo sen agütsütsü, ta Hokolbar nü srokar ketdangsertemi ashi.

Iba project nung sorkari sen crore 1,500 nungi crore 1,800 tsüngda intoktsü.

Tamalenbi Light connection angati ya Below Poverty Line (BPL) kibongtem atema dang agüja liasü saka tangbo iba ya ajanga Above Poverty Line category nunga kibong lakh 50 nungi lakh 60 tsüngda ayimjemtsü.

Bihar nung yimtsüng 39, 073 nungi yimtsüng 2,719 nungbo tang tashi light mesangoka mali.

2005 November ita nung yimti aser jilatem nung anogoshia light ghonda 6 nungi 8 tsüngda aru aser yimsüngtem nung anogo nung ghonda ana nungi asem shi arua liasü.

Ajisüaka 2015 küm nungbo yimti aser jilatem nung anogoshia light ghonda 22-24 arudar aser yimsüngtem nung ghonda 15-16 arur.