Ajak tsütsü kechi tajung aji inyakang (1 Tesa.5:15).

Kechiyong aji asoshisa asenok aja; kechiaser nenok Pa tsüngsü nung anidaktsü asoshi Khristaia nenok atema timtema, nenok asoshi tatishitsü ka yutsür ao. Pai temenen kecha meinyak, mesüra Pa bang nung tiyazü kecha mangu; kechiyong Pa atala, Pai meyipa matala; kodang Pa timatem, Pa tsüngken metsübudaktsü saka ochishia obendangba nem Pasasa bendanga agütsü (1 Peter 2:21-23).
Abenjagi nenoki mebilemtsü aser nenok tanela nung melulatsü asoshi, shibai pei anema inyakba temenen purtem yamai tsükchiba aremzük, Pa indang bilemdangang. Anungji mepet tulu ama kuli aika agi asenok meketbang nung, asenoki tenokdangtsü ajak aser sadaka aliba temenen toktsür, asenok tamang tetenzük aser tabensadaktsüba Yisu, shibai pei jakdang aliba tepela asoshi maksü arema kangki timtem aremzüka, Tsüngrem chuba menden tachichilen amen, Pa dak repranger, asenok jakdang aliba tasemtepba nung taremzük agi asemtepdi (Ibri 12:1-3).
Tatemsa, adianutem, kechisa ochi lir, kechisa akümtsübutsü tim, kechisa temeten lir, kechisa temerük lir, kechisa temeimtsü lir, kechi indangsa osang tajung lir, langka tajung lira, aser langka nüngsang lira, item indang bilemdangang (Filipi 4:18).
Kibuba Yisu, kechi tajung Nai sayu iba nung ni anogoshia alitsü, anidaktsü yariang. Amen.