Ajaki CoR tezüngzüktep akumtsübotsüla: FNR

Dimapur, Aami/June 29 (TYO): Covenant of Reconciliation (CoR) nung meyongnem agüja alir dang Forum for Naga Reconciliation (FNR) ajanga iba tayongzükba agütsür. CoR züluteper June 13, 2023 nü küm 14 jungogo, koba ajanga Naga political groups balala tsüngta azüdokshitepba anenba nung shilem tajung agia liasü. June 13, 2009 sülen meyongnem agütsür temi CoR ya ponguben tashi akangshia liasü. Aser tesüsabaji September 14, 2022 nü Sovima nung zülutep aser iba mapang “…telemsa adoktsüsa jembishinüba, bilemba aser agenda tem nungi pila alitsü. Iba amala yimya tekeratiba nung tembangtsüla” ta pangjemtepa liasü, ta FNR sangdong ajanga ashi.

Iba pangzüng ya arok ajungtsü asoshi renemba lir. Asenoki September 14, 2022 nü renema aliba yimya amshitsü nüngdaker aser Naga nunger lokti tentet, arogo aser state sorkari bukuma nokdaktsüla. Talisa January 14, 2023 nü NNPGs aser NSCN tsüngta tezüngzüktep yangluba ya terenlok akaba sayur. Ibai kija aser lokti shingaia mashi lenmang nung mamshitsüla, meraksatsüla aser maitoktsüla, ta FNR sangdong ajanga ashi.

Naga Political Groups, kija mesüra lokti ajunga dang asen meimchir indang arok temeden raksatsüsa aser menentsüsa azüdokshi mapa meinyaktsü aser o mejembitsü FNR ajanga ayongzüker, ta ashi.