Ajay Devgn-i film ka produce asütsü renema lir

Luroi/August 7, 2019 (Agencies): Ajay Devgn aser Abhishek Bachchan, na tatemsa 2012 küm Rohit Shetty indang action-comedy Bol Bachchan nung külemi shilem agiogo aser tang küm tenet sülen tena longjemtsü. Ajisüaka tangbo tena actor ama külemi shilem magitsü kechiyong Ajay-i iba film produce asütsü aser Abhishek o Ileana D’Cruz nati tongti shilem agitsü, ta Mumbai Mirror sangdong ka ajanga metetdaktsü. Iba film nüngja ano magütsüi lir koba Kookie Gulati-i direct asütsü.
Iba movie ya 1999 küm nungi 2000 küm tsüngda atalokba otsü ka dak ajemdaker yanglutsü.
Movie indang jembidang source kati Mumbai Mirror dang ashiba agi, “film otsü ya 1999 aser 2000 küm tsüngda atalokba otsü ka asütsü koba ajanga India rongsenketsüng melenshitsü. Ajay-i iba project ya kanga saklok aser pai film produce asütsü asoshi mulunga aküm. Ileana-i iba film nung tongti shilem agitsü saka Abhishek den külemi madoktsü. Parnoki tang Abishik partner asütsü asoshi tetsür actor ka bushidar. Film ya taküm küm tetemlen nungi tangok tenzüktsü.”
Bol Bachchan film dak alia Abhishek aser Ajay na Zameen, LOC Kargil aser Yuva film tem nunga külemi shilem agiogo.
Mapa tsütsü, Ajay tang Bhuj: The Pride of India kanga mazüngi tangokba mapang ka lir. Pa Tanhaji – The Unsung Warrior nung tongti shilem agiba yakta angutsü. Iba film ya February 10, 2020 nü sayatsü renema lir, kong Saif Ali Khan aser Kajol nati tongti shilem agitsü.
Kasa mapang nung Abhishek, Anurag Basu-i direct asüba film ka nung shilem agiba angutsü kong Bollywood actors tem aikati shilem agitsü.