Ajay Jayaram-i Korea Open nung silver angu

New Delhi, September 20 (Agencies): Deobar nü SK Handball Stadium India nunger Ajay Jayaram-i tan asayaba BWF Korea Open championship nung silver medal nguogo. Iba tatembang buba asaya ya World No 1, China nunger Chen Long den Seoul nung asaya liasü aser Chen-i 14-21, 12-21 agi Jayaram koka liasü.
Honibar nü semi-final nung pai Chinese Taipei nungi World No. 7 Chen Chou madak takok anguba sülen final asayatsü tashi tongtetba lir.
Long-i smash azükba ajak Jayaram temang tiyonglen zükloktsüba aser kanga alaa oa agisüktsüsa agütsüba ajanga pai point aika mongutet.
Tanabuba game nunga Long-i kanga junga belenshia azükba ajanga anisüngzük mapang nung point pongu tashi agi pila kümer liasü. World No 1, Long-i India nungba nem meyiba arutsü maongka teraka magütsü-i 20-12 agi akok.