Ajay Jayaram Korea Open semifinal-i iogo

Seoul, September 18 (Agencies): India nunger badminton asayar, Ajay Jayaram-i Japan nunger Sho Sasaki madak quarterfinal asaya akokba sülen tang tasayadak Korea Open Super Series badminton asayamong tebur singles shilem indang semifinal asayatsü jenjang tanü Hokolbar nü nguogo.
Jayaram-i tanü ghonda 1 ser minute 5 nung points 21-19 16-21 21-16 ngua World No. 26, Sasaki madak takok angu.
Tebur World No. 32, Jayaram-i China nunger Tian Houwei aser Chinese Taipei nunger Chou Tien Chen na rong nung takok angur den semifinal asayatsü.