Ajay Jayaram Korean Open final-i iogo

Seoul, September 19 (Agencies): India nunger badminton asayar, Ajay Jayaram-i tanü Honibar nüa takok ngua tang tasayadak Korean Open asayamong tebur singles shilem indang final asayatsü jenjang ajangzükogo.
Jayaram-i Chinese Taipei nunger Chou Tien Chen madak semifinal asaya koka final nung shilem agitsü jenjangji angu.
Arishi küm 27 tain Jayaram-i tanü minute 43 nung points 21-19, 21-15 ngua World No. 7, Chen tsükdaktsü.
World No. 32, Jayaram-i taküm asayaba German Open aser US Open na nung tamakok ngudaktsüba kepzüka tan Chen madak takok angur lir.
Jayaram-i World No. 1, China nunger Chen Long den final nung ajuruteptsü.