Ajay Jayaram Quarter-i iogo

Taipei City, Mongputeni/October 4 (Agencies): Tang tasayadak Chinese Taipei BWF World Tour Super 300 tournament tanü asaya nung India nunger badminton asayar Ajay Jayaram-i Denmark nunger Kim Bruun straight game nung koka quarterfinals-i iogo.
Jayaram ya taoba mapang nung world no 13 liasü aser pai tanü asaya 21-10 22-20 agi Kim madak takok angu.
Arishi küm 30 tain asayari 2015 küm Korea Open final tonga asayaogo aser pa quarter final nung Malaysia nunger Lee Zii Jia den asayatsü.
Taoba national champion Sourabh Verma shibai Chiteni/July nung Russian Open kokogo aser 18buba Asian Games nung Indian team nungi asayatsü asoshi maongka nguteta liasü, pa Japan nunger asayar Riichi Takeshita-i 21-19 21-23 16-21 agi koka asayamung nungi tuguogo.
Asaya mezüngbuba tenzüker Jayaram 6-0 agi tejakdang liasü, ajisüaka Kim-i 8-9 ta menüpa atu. Iba sülen point 14-8 aküm aser mapang tatsüka lir 20-9 agi Jayaram-i asaya akok.
Tanabuba asaya nung Kim-i kangajunga asayatenzük aser 3-6 aliba nungi break tashi nung 11-9 agi pa tejakdang liasü.
Denmark nunger asayari maneni junga asaya aser point 16-12 agi pasa tejakdang aküm. Ajisüaka Jayaram-i asendenshir asaya aser point 19-19 akümba sülen pai 22-20 agi asaya akok.