Ajay Jayaram tanabuba round-i iogo

Taipei City, Mongputeni/October 3 (Agencies): Rasemnü India nunger badminton asayar Ajay Jayaram-i Japan nunger asayar Hashiru Shimono koka tang tasayadak Chinese Taipei Open tanabuba round-i iogo.
Jayaram, shibai Vietnam Open aser White Nights final tonga asayaogo, pai 18-21 21-17 21-9 agi Hashiru madak takok angu. Pa tanabuba round nung Denmark nunger asayar Kim Bruun den asayatsü.
Ajisüaka Sri Krishna Priya Kudaravalli-i mezüngbuba round majangteti tsükogo. Lai kanga meranga asaya saka Chinese Taipei tsür Lin Ying Chun-i 21-23 20-22 agi la koka liasü.
Tanga asayartem rongnung Abhishek Yeligar aser Mugdha Agrey nungera mezüngbuba round nung tsükogo.
Tebur kija asaya nung Abhishek, Denmark nunger asayar Jan O Jorgensen-i 5-21 6-21 agi tsükdaktsü aser Malaysia nunger asayar Soniia Cheah-i 21-11 21-4 agi Mugdha tsükdaktsü.
India nunger Tarun Kona aser pa indang partner Malaysia nunger Lim Khim Wah nata 13-21 10-21 agi Malaysia nunger tarep Ong Yew Sin aser Teo Ee Yi nati tsükdaktsüogo.