Ajema mejangba & anepdang mechiyongba agi tanur yiradaktsür

Aonung mejangshia memejangba den anepdang chiyongtsü junga machiba ajanga tanur ka tali yiradaktsüba osang bushitetogo.
Tetsütemi pei pok nung tanur abendang moko achiba densema, tanurtemi anepdang chiyongtsü machiba aser aonung junga mesüra mapang shitak nung memejangba ajanga parnok tali yiradaktsür ta research agirtemi metetdaktsüogo.
Tanurtem dak iba amala yimyatsüya adenbaji melenshitsütsü akok kechiyong tanur asüdang tali yiraba ajanga tanur ka tekolok nung tangar memenepi akümba, taküm nung pela maliba aser tain kümer temeseptsü chiyongtsü chia ajemba osang bushiteta lir.
Millen Cohort Study ta ajaba osangtsüsang bushir tenteti Britain nung alir kibong 19,244 tashi den ajurutepa, tanurtem arishi küm 3, 5, 7 aser 11 tain küma ainba bushisüngdangba sülen tan osangji alima dang sangoktsüogo.
(Source – Internet)