Ajemaluba Sempet Tajung

Alima nung alir ajak dang alaka iba nisung Mosa kanga ajemalua liasü’ – Züngdangba 12:3.”
Ajemaluba ya asenok asoshi sempet rongnung tulutiba ka lir. Aser ajemaluba sobutsü sema aliba nisungji ajaki meimer. Tamangertem shia Yisu den ainba asadangtsü lisüji ajemaluba ya lir. 1 Peter 5:5 nung “Tsimgremi asükümer nokdanger aser ajemalur nem taochi agütsür” Tsüngrem 0 jaki ashir, Mosaji ain-apong liaka, pai tila kümtet aser pa tashi tazüokba ka nung yutet. Tatishitsü agi, asenoki asen anemertem asoshi tamajung inyaktsü koka lir … saka aremzüka aseni tila küma ajemaluba taremzük tanela ji agi asen shiji azüoktsüla.
Tanü asen lima aser lokti tentet ajak nung iba ajemaluba tanela ya nüngdak aser alitsüla. Nai aser ni jembidang, mapa inyak dang, shisatokden ali dang, tekülem ali dang, sayutsüngi dang, Ken ten nung, asen lenmang nung senzü dang, lokti senden aser tekülem nung amen dang ajemaluba yimya aser nübusen tanelaji asen dak alitsüla. Kodang ajemaluba asen dak lidir, Tsüngrern tali sentsüwangshidaktsür aser ibaji asenok asoshi temoatsü tulu lir.
Sarasadem : Oh Tsüngrem! Tanü nai onok kanga meim nung pelar, anogo shia taküm liba liro nung ajemaluba agi onok azüok dakjang. Amen.