Ajemalu/kümli tajung

– Mrs. Meyisongla, Rtd Deputy Director ,
Nursing Nagaland, Kohima.

Mat 5:5 nung “ Ajemalurtem temoatsüba, kechiaser parnoki alima senmang amangtsü,” ta Yisui asenok dang ashir.
1 Peter 3:4 Saka telunglen temulungjang nung ajemalu aser tesüngjem tanüla mesamatetba sobutsü sang, iba tanula Tsüngrem madang senti lir. 2 Korinth 10:1 Iba tapu nung Paul ya Roman senso tajung ka, tashi temeteter, saka pa kodang Khrista agizük pa kanga ajemalua aküm idangjiang Khristar wadang nung Tsüngremi pa dak kanga dang temulung lemteta wadang tuluba nung amshi, aser pa tasü tali itta akum. Yisu Khristaji Tsüngrem ajaso chir, shiba dak Tsüngremi temulung alem. Pa kanga akjemalua kangki dong nung angenlokdaktsü. Pai pasasa kumzüktsü tashi liaka meimchirtem menen nungi kumzüktsü mechi nung ajemalua maksü arema kangkidong nung asü.
Tenüngsang ken 18:35. Ni ajemalu agi ni tulu kümdaktsüogo ta Davidi Teyanglusang tenüng sanga ashi
Tita 3:2. Nisung shinga indang majung mejembitsü. Rarapangsen masütsü, anükalem asutsü, nisung ajak tsütsü ajemalua sayutsü nai parnok nem bilemtetdakjang.
Yakob 3:17- Saka temaba nungi aluba shisatsüji temerük, tesenüp, ajemalu, temulung tanük, yimlibilem tejang, tajung agi sünga lir. Tatitaktsü maka anemsü maden. Yimjung yanglurtemi tesünep nung temeshiba süngjang proker. 1 Peter 1:18. Kilirtem nenoki tetsübu aser ajemaluba kibur dang dang masü saka tetokdak danga angaa pei kibur kübok liang. Ajemaluba sempet ya kanga tajung aser sempet tulu. Ajemalurji tsüraburi aser adianutemia meimer, medemertemia meimer, tesayurtemia meimer. Aser Tsüngremia temoatsü senmang ajak agutsür Daniel 5:21. Tsüngremi Nebukednezeer meimchir yimli madak yimsü asütsü tashi agütsü. Saka pai ajemalua maküm, anungji pa nashi ama rem chidaktsü aser pa temang anüng azüngpü agi tenla. 22- Aser na par chir o Belshazzar ya ajak nai metetaka nai nü mulung ajem alua makum. Daniel 5:29- Ajemaluba Daniel nem Belshazzari ozüng agütsür Daniel nem chuba süoshi abendaktsü, aser tekong nung hon yinzü azüktsü. Aser yimti nung Daniel yimsü-sür tasembuba asütsü sangdong. Saka paonungji asükemba Belshazzar Kaldi Chubai tepset.Zakarea 9:9. Asenok Chubaji ajemalur oda gado chanu dak sanger nü dangi arur.
Is 29:19. Ano alemalurtem pei tepela kibuba nung renloka akemtsü.
Tenüngsang ken 25:9. Pai ajemalur temeten lenmang nung anir aser ajemalur dang pai lenmang sayur. Tenüngsang ken 37:11 saka ajemaluri alima senmang amangtsü, aser yimjung tulu nung parnoki pelateptsü.
Züngdangba 12:3. Tang alima nung alir ajak dak alaka iba nisung Mosa kanga ajemalua liasü. Anungji Israel nunger nütsüng Lakh 6-7 anir tenangzükba limai Mosai anir aotsü maongka tulu agutsü. Saka Mosa teyi Mireami Mosa dak tenük merem, kechiaser Tsüngremi par kibong nungi Mosa shiba ajemalua liasü, pa den dang jembi aser Mosa dangbo Tsüngremi o agi dang jembi masü temanga dena sayu. Iba yagi teyi Miriami tenük merema Tsüngrem anema nemnem nungji, la dak zütsüra adokdaktsü. Aser Aroni Mosa dang ashi, oh! Kü kibur onoki tamashi inyakba aser nemnemba yong aser temenen menabaya onok temerenshima. 13. Idangji Mosai ajemalua kibuba dang ayimtena teyi Miriami nem taneptsü agüjang ta mepishi. Anogo tenet tashi Meriam yim tezülen lirang tanaben meyiba anir aru ta shia lir.
Asen tetsü tebou mapang atalokba otsü ka asennok ajaki meteta lir. Ken mapang ka nung takar jala ka aser sensaker jala ka ta yimtsüng ka nung külemi yintet. Takar jala aiürlaji jakla kenta matar, asükümer, sorokmari liasü. Sensaktsürlaji kanga tesüngjem aser ajemalur liasü. Tena ya asangur kati tendang. Takartsürlai iba asangur ya kanga meima liasü. Kenü asangurbai tenaprongla par kidangi aja, pai par kiji onsara penjaa ayu, molok metok, kiyoktsü, marokonrok aser süoshi ajak sülasüshia penjaperoa ayu. Idangji tamasa takar tsürlaji aru. Lai item penja peroji kecha majitet, ajakji akayia asema orr teko asangurba den kentamata jembi, iba sülen sensaktsürlaji aru. Lai item oset süla süshia alibaji tipdema shidena tayutsü tim tesem nung yutsürang tekoji ajuru. Ano paisa kenü tenaprongla tzüshi alepi (ruri) anir ao, idangjia takatsürlai, la tepok masak ta sayutsü atema lai la chitemji Aou-(bamboo leaves) nung tilaka atem, aser ajidang achiba agi tashimaitet akum.Asangursangi tenaprongla nem tzüshi kasa ayipteta bendaktsüba khen dang jajali ka atsüteta endokli, ano tatsüka jajali ka atsüteta endokli ta ki adongdangbo tzüshiji ka agi dang ki adong. Sensaktzürlabo chidemji shidak temer oa tepok sünga chiyonger tashi itta, tekui tzüshi kwi ayipteta bendaktsu ajakji bener mapang shidak nung ki atong. Iba sülen teko jagi miima oa takartzürlar teko nungi repranga ata nung. Iba aiürla kanga ayaba agi, tetsüi dang nü chibo ka sünga meta alibaji ka ken, ka ken ta saali agütsüli ta chimaa (oja ajok, oja ajok ta shia) achi. Iba shia tekoi longsang ka ka shia molok ka nung bendena ayu. Iba sülen lai chi chiyong, lai chi ken anem shia tekoi wanü tekabo kaka molok ka nung yua, bener aonung parnok tsüki bener oaki asüngdang. Asenok rongnung kenyongi nü paikai chimatsü asü mechi matsü aser chi patakai chiyongmatsü asu mechiyongmatsü ta asüngdang nung, takartsürlai kanga menüa ashi, shiba tepok nung nü paikaji aser chi patakaji asemtsü ta ashi. Idangji sensaktsürla jagibo nibo chimatsü ta ajemalua ashi. Iba tedendangba ana.
(1) Tzüshirur anir aoba (2) nü aser chi molok kaka shi chiyongba tendangba nungi teko jagi pa kinungtsü asütsü atema sensaktsür saka ochishir, ajemalua mapa meranga inyaklajiang shimtet.
Mat 11:29 nung ashir, “ Nenok kü süngra nung apuang, aser ni nungi angazükang, kechiaser ni ajemalur aser mulungsentsü anük anüker aser nenoki nenok tanüla asoshi ani süngzük angutsü.”
Mat 21:5. Ainkari yamai jembiba, Zion jala dang nenoki shiang, Ajiang nü chuba ajemalua Gado chanu dak sanger nü dangi arur. Tsüngrem chir kati yamaji ajemalutetra kechiba asenoki ajemalu mesütettsü na ? Asenok Yisü Khrista sülen anidaker aser pa dak amangertem ajemalutsü angazukdi. Azümongshi kanga teküra shihruru ka lir. Saka pai pa sempet temi mamshi pai asükum aser len tom nung mejanga kazü. saka kerai meilongi dang jajar saka kena manini timtema, ajemalua jaja saka onsara tekara aser jokjok mara shiruru shibai mekümdangi ali aser asüküma ajateta takok angu. Ajem alurtem atema alima nung takokba maongka agutsür aser parnoki Kodak senmang angur. Arung asenoki asen kümtetdakba Yisü khrista jilu ajia pa mesüka mapang ajak nung ajemalua lidi ta ayongzüker.