Ajenlokba Temoatsütem

Kari ashir tebilemtetbaji teret teraksa leper lir. Kari ashir tebilemtetbaji tain, tila-tanur sayudak, tanurtem asayaba oset teraksa amshiba lir. Tebilemtetbaji tekolok kaket nung aser rongsen rizüngdak lir. Nisung mulungsentsü yariba bushir. Rollo Mays-i ashir, “Tebilemtetbaji tesüiba mapa ajenloka ayuba dang masü; ibai tetezü aketba asenok teimla taroktiba aser tetsübu anüker lir.”
Tetsübuji teshimtet lir. Aiben Tsüngremi asenok asoshi inyakba asenoki amatoker. Charles Spurgeon-i ashir, “Asenoki asen temoatsütem lisem nung zülur, aser asenok mulung masü marble nung zülur.” Tebilemtetbaji temulungjang nung atsüngba khuret ka akümer. Bilemtetba o ji Tazüngkunem kaket nung 14 ben tashi amshia lir, aser 9 benbo mamadoktsü tekümdangtsü ashiba alitsü. Ochiba tenüngsangji temulungjang nungi adoktsüla, bilemtetba nungi masü (Matt. 15:8). Tekülemji Tsüngremi ashiba aser inyakba ajak tamangertemi tushia agizükba lir.
Tsüngremer temoatsütem ne mulung nung ajenlokang, aser Pa tenüng asangba nung na kodanga ania makümtsü.
Kodanga Tsüngremer temoatsütem tamadok. Pai inyakba ajak asoshi Pa tenüng sangang. Tesüiba khurettem agi ne mulungjang sünga tüyutsü saka Pa temoatsü bilemtetba agi aji teperiba kümdakjang.