Ajunga temeshi, terenem aser teti tatem maka

Aser tesüneptsüba Tsüngremi peisasa nenok ajunga meshitetjang; aser asen Kibuba Yisu Khrista arudang nenok tanela aser taküm aser temang tai meketi ajunga kümzüka yujang. 1 Tesalonika 5:23.
Asenoki Tsüngrem tesünep akatsü dang masü (Fil. 4:7), saka asenok Tsüngrem tesünep kar, shibai kechisarena azüoker. Ibai Tsüngremi asenok meshitettsür, asenok pilaa ayu aser temeshi kümdaktsü. Pai ajunga inyak- tanela, taküm, aser temang. Kari aibilena asenoki temang nung shilem kar pilaa ayutsü akok ta bilemer. Tatishitsü agi, Deobarnü tanelaren Tsüngrem asoshi alitsü, saka hombar nü alima mapai meyipa aotsü. Masü! Asenoki Tsüngrem asoshi abensaa alitsüla. Kari parnok tanelaren takümji senren taküm nungi pilaa alitsüla ta bilemer. Masü! Ibai lemdangtsü makok.
Tsüngremi asenok Khrista maru tashi tarak meketi kümzüka ayu (Rom 8:1). Pauli Tesalonikia nunger den aiben Khristar arogo ayipa atutsü indang jembi (2:19; 3:13; 4:15). Pa kiyimla asoshi meyipa arutsü. Iba mapang, asenok kwiben tsüka ali kecha masü, asenoki dang tatok meshira asen tai atoktsü Pa temulung lemtetta lir (1 Yn. 1:9). Koda temulung lemtet Tsüngrem asenok kar.
Oba, Nai ajunga meshitetta alitsü tatishitsü sayu nung ni pelar. Ni tanü Ne tesangwa nung jajadakjang.