Tsüngremi Na Abensatsütsü

Shibai nenok aja Pa temulung lemtettsüsa lir, Pai aji inyaktsü. 1 Tesalonika 5:24
Na Khristan ka asü? Ibai, nai kechi inyak Ibayongji masü, saka ibai Tsüngremi kechi inyak Ibayongji lir. Nai Pa shim masü, saka Pai na shim (Yn. 15:16). Tsüngremi alima meyangludang na shim (Ef. 1:4). Nai amangaka mamangaka tatem makadak Tsüngremi na metetta liasü aser na Pa dangi arutsü ta metetta liasü, mesüra iba tekong ya tejangja telemtetba ka masü ta nai amangra, tetenzükba taren nung tanü na kümzüka lir. Kodang na kümzükdir (tesüiba nung süang mesüra ne taküm nung süang) mapangtongji aji masü. Na kümzüka alibaji tongtipang lir. Atangjibaji kenü nai Yisuji Kibur ta nangzüktsü aser Tsüngremi Pa tasü nungi shia arudaktsüba agi ni kümzük ta nai amang.
Tang shilem tajungji Tsüngrem shiba temulung lemtetta lir, Pai nenok aja, aser Pai shirnok aja parnok sentsüwangshidaktsütsü aser shinga mesamatsü. Filipi 1:6 nung ashir, pa shibai nenok dak mapa tajung tenzük (tekümtet) aji Pai Khrista anogo nung abensatsütsü. Kodang Tsüngremi nübu ka dak tekümtet mapa tenzükdir, Pai aji abensa atemer. Iba dangji teti tatem maka taküm ta ajar. Tang teyimlaji aji lir! (Teyimla! Kechi atema noktaker bilemtetang: Teti tatem maka tenangzükba azüiter).
Kibuba, ni metemsü liaka Nai teti mulung lemtetta aliba asoshi Ne tenüng asanger. Ni tanü temulung lemteta Nü dang peladakjang.