Ajungba semchir (Sangtam) aser Kariba semchir (Sungratsü) tsüngda aksütep

Ajungba semchir (Sangtam) aser Kariba semchir (Sungratsü) tsüngda aksütep

Mongulbarnü Süngratsü yimdak Tuensang kübok Angangba yimtsüng nungi arurtemi yartsüngsangba aser kümpa nungi ang yanglua sayuba noksa nung angur.

Sungratsü (Mokokchung), January 29: Küm 89 tashi Ajungba (Sangtam) aser Samasosang Longchar (Ao) na tsüngda tembar yimtepba akangjungshitepa arur aser tanü Tuensang district kübok Angangba yimer Ajungba-i Süngratsü nung Kariba (Longchar kidong) semdangogo.
1927 küm Süngratsü nunger Samasosang Longchar-i tenla agütsütsü atema Sangtam lima Mithun bushia aodang Angangba yimer Ajungba ajurua pai aginüba Mithun bener aru aser idangji tena tsüngda temba yimtep.
“Iba anogo nung jagi Ajungba aser Samasosang Longchar’er kibongtem tsüngda tesentaktep meraksai ayutsü atema küm ter nung khen ajuruteper” ta Süngratsü Village Council nung tatar Taka Longchar-i ashi.
Iba nüngtem nung sentong ka ayongzüka agidang yartsüngsang, sobaliba ken aser tar nunger otsütem lemsatepa liasü. Ajungba nungi jazüker parnok 40-i Süngratsü semdang.

You must be logged in to post a comment Login