Ajungli agi kürakyanglu yanglur

Dimapur, Mongputeni/October 19 (TYO): Longjang nunger Wb.Moa Imchen-i pa nem Tsüngremi agütsüba sempet amshia ajungli agi kürakyanglu tapu balala yanglutsü tenzükogo.
Pa ket nung itemji yanglutettsüsa oset kecha mali ser tenzük, saka pa dak tejangraba aser temulungtetba tulu aliba ajanga küm aika meranga inyaker külen nisungtem noksa agi kürakyanglu kar yanglutetogo, ta Moa Imchen-i pelaba o ka iba osangbener den jembidang metetdaktsü.
“Kodang kü mulungjangi Madame Tussaud-i Wax agi yangluba noksatem aru, nia iba amaji yanglutsü kanga jangraa liasü. Tsüngremi yangluba oset ya ajizüka yanglutsübaji jangratemtsüka bilemer,” ta Moa Imchen-isa metetdaktsü.
Pa ya 3D Animator, 3D Architecture aser Sculpture Artist azüngba aser metetba nisung ka lir.
Asia nungbo Gaming Production studio tulutiba Disneyland den sendaktepa aliba Prana nung Aor rongnungbo mezüng asütsüsa pa ya inyaka liasü.
Pai yangluba mapatemji tali tejangjaba nung metetnüra https://www.facebook.com/moa.imchen.90 nung reprangdangtsü akok.