AK Mishra-i NSCN-IM & NNPGs tem den  senden amen

Dimapur, Rongchii/April 13 (TYO): Ita ishia osangtsüsang balaka magitepi lia arur Central sorkar tenüng nung Naga nunger yimten ken o jembir AK Mishra aser NSCN-IM lenirtem senden ka Rhododendron Hall, Chumoukedima police complex nung Brehostibarnü mena liasü.

NSCN-IM nungi züngsem 20 aliba telok ya general secretary Th. Muivah-i anir liasü aser Centre tenüng nung AK Mishra aser Joint Director, Intelligence Bureau Dr. Mandeep Singh liasü.

Iba senden ya anüngdang 11:00 ako nung tenzük aser ghonda ana shi mena liasü.

Member Collective Leadership of NSCN-IM, Rh. Raising-i ashiba agi, tanü senden junga menogo aser Framework Agrement nung ajemdaker solution bushitsü molungtep.

India sorkar aser NSCN (IM) tsüngta 1997 nungi ceasefire nung lir aser parnok tsüngta Framework Agreement ya 2015 nung zülutepa liasü.

AK Mishra nungi Brehostibarnü senden amenba indang osang kecha agüja mali.

Iba sülen ano pai Naga National Political Groups (NNPGs) convenor N Kitovi-i anir züngsem ter den senden ka nikongdang Chumoukedima Police House nung mena liasü.

NNPGs osang kar ajanga ashiba agi, iba senden nung pei tangatetba aser tebilemba lemsatep aser Government of India-i mera kecha magiba atema mepelaba lemsatepa liasü.