Akash Ambani o Shloka Mehta na engagement sentong nung SRK-i shilem agitsü

Aami 22, 2018 (Agencies): Aami/June 30 nü Akash aser Shloka na engagement party atema Mukesh aser Nita Ambani nati sentong ka ayongzüktsü. Iba anogo Akash aser Shokla nati Antilla – Ambanis’ Altamount Road residence nung engagement ring agütsüteptsü. TOI osang ajanga angazükba agi, Ambani-er kibong den tesendaktep tajungji Shahrukh Khan-i ayuba ajanga iba sentong nung pai host asütsü aser kasa sentong nung pai maneni shilem khar agitsü.
Acting tsütsü reprangdangra, Aanand L Rai indang taruba ‘Zero’ film nung Shah Rukh Khan-i shilem agiba angutsü. Iba film nung pai tebur rajang ka indang shilem agir. Tawa, Orlando nung amenoka aliba Universal Studio nung iba film scene tatembangbuba tangokmaogo.